بی ایس او نا پِن آ

وہید انجمٓ

برک بن فلسفہ نا داستان ئے!
ہرانا خیسُنا بیرک نشان ائے

ودشتی بانگ، ورنائی، چکار ائے
کفن تو شکّی ائے، مرک ائے،مزار ائے

سغوکو رنگ دُوتا شاغساٹے
خفو سیٹی ہزار ئے بشخساٹے

اسٹّی نا سبخ تسّک بلوچ ئے
گچینو بند تس کردار و سوچ ئے

غلامی ئے اول دے آن منتو
نما پار ئے اسل است آن دتّو

ہراتم جنگ ئنا جھمّر شلانے
گروک ئس کسّ ئے گُڈّانے ہنانے

ہمو وخت آ دتر بے کچ وہانے
نما ورنا نمے است آ تخانے

ڈغار آ سامراجی زور ئے پرغا
کتابی سوچ ئتو سنگر ٹی پیہا

کبین ئنگا زمہ واریک دانگان
ولے آشوبی مِستائیک ہینگان

کُھریئا،بزغر و مزدور سنگت
غلام و بے اُرا مجبور سنگت

بلوچی دود ئنا ہفّینے سوج ئے
زمین آ تینا،رہبر تینا جْوان ائے

مراد ئے راج ئنا زندہ تخانے
سفر ٹی شیف ئہ بُڑزی ہم خنانے

ہمو سہب ائے ہرا خن تے،نزر تے
پدا یام آن خاخر نا کسر تے

ہمو اِشک ائے ہرا سوچ ئے مغز تے
ہمو خْیال ائے ہرا گھام ئے خبر کے

بدل کے چٹ مزاج ئے پوسکن کے
برم تے نا رواج ئے پوسکن کے

ہرا ورنا تا اومیت ائے سلوکا
ہرا پیڑی تا غمخْوار ائے بروکا

ملوکی ملّے مارشت ئے ہراڑان
بِنا کِن ہلکنُن خشت ئے ہراڑان

کسر شونی کہ وسپہ استمان ئٹ
مرین آجو ببو تینا گدان ئٹ

جتا دْروشم ٹی تینے تورے نجّا
وجود ئے سرفک اے نا پاس پاس آ

ننا گلدستہ شئیرتا، شائری ائے
ننا مُسکوئی مڈّی،بادوی ائے