بلوچ اسٹوڈنٹس آرگنائزیشن تربت زونءِ اولی سٹڈی سرکل برجم دارگ بوت کہ ایشی تہا بی ایس او، بلوچ سیاست ءُ استیں اہدءَ نودربرانی جیڑہانی سرا تران کنگ بوت
رپورٹ: بی ایس او، تربت زون
بلوچ اسٹوڈنٹس آرگنائزیشن تربت زون ءِ اولی اسٹڈی سرکل ماں عطاء شاد ڈگری کالج تربت ءَ برجم دارگ بوت۔ دیوان ءِ مہمان ءِ ھاص بی ایس او ءِ مرکزی کمیٹیءِ سنگت خلیفہ برکت بوتگ اُو دیوان کاروائی تربت زون ءِ آرگنائزر صغیر بلوچ ءَ سر انجام داتگ۔
دیوان ءِ بندات چہ تعارفی نشست ءَ بوتگ اُو اسٹڈی سرکل ءِ سر حال بی ایس او ءِ ماضی کردار ءُ انوگیں اہد ءَ بی ایس اوءِ لوٹ سرءَ گپ ءُ تران بوتگ۔
بی ایس او ءِِ ماضی ئے بابت ءَ سنگتاں وتی ھیال درشان کنانءَ گشت کہ بلوچ اسٹوڈنٹس آرگنائزیشن بلوچ سیاست ءِ بنزہ انت کہ آئی اولی رند ءَ بلوچ اسٹوڈنٹس یکجاہ کُتگ انت اُو بلوچستان ءِ سیاسی جیڈاہانی سرءَ سوال کنگ بندات کُتگ اُو بلوچ نودربر یکیں پلیٹ فارم ءِ سر ءَ منظم کُتگ انت اُو سیاسی سنچ داتگ انت کہ مروچی آ بلوچ قوم ءِ نمائندگی کنگ ءَ انت۔
دنیا ئے راجدپترءِ تہا اولی رند ءَ مارا گندگ ءَ کئیت انت کہ یک اسٹوڈنٹس آرگنائزیشن ءِ ماس پارٹی بن ہشت ایر کنت اُو اولی رند ءَ قوم ءَمنظم کنت۔
یک انچیں وہد ءِ کیت کہ ہر پِت وتی زھگ ءَ دست ءَ گیپت اُو بی ایس او ئے پلیٹ فارم ءَ جہد کنگ ءَ دیم دنت بلے دیمتر ءَ ما گندیں کہ مروچی بلوچ ورنا چہ سیاست ءَ گستاہ گندگ ءَ کاینت۔ آ چہ وتی تاریخ ءَ پہک ءَ پراموش انت۔ مروچیگیں اہد ءَ نودربرانی زمہ واری انت کہ آ وتی تاریخ سرءَ یک تنقیدی چمشانک ءِ بدینت اُو وتی کُتگیں تجربہ ءَ چہ سبق بزور انت اُو مروچیں اہد ءِ لوٹ ءَ سرپد بہ بنت اُو بی ایس او پلیٹ فارم ءَ منظم بکن انت۔
گڑ سرا بی ایس او ئے باسکاں تنظیم ءَ را منظم کنگ ءُ نودربرانی حقانی دیمپان بؤگءِ عزمءِ اظہار کت۔
