شائری پگر و آگھی لوٹ ایت

وہید انجمؔ

مئے وتن اِشک و راستی لوٹ ایت
مرگ ءِ نزّیک زندگی لوٹ ایت

زانت چی اِنت؟ و راستی چی اِنت؟
منتکی پسّو پلسپی لوٹ ایت

راجی گدّار ءِ اے نشانی اِنت
آ وتی ڈیھ ءَ چاکری لوٹ ایت

مال و زر دنیاداری نہ لوٹ ایت
سمّو! تئی دید ءِ توکلیؔ لوٹ ایت

سرڈگار ءِ گلام ورنا نوں
کوھ و پٹّانی واجھی لوٹ ایت

شائری بے وڑ اِزم نہ اِنت انجمؔ
شائری پگر و آگھی لوٹ ایت

Leave a Reply

Your email address will not be published.