بلوچ اسٹوڈنٹس آرگنائزیشن ءِ بُنجاہی کارمَستر واجہ ظریف رِند ءِ لوگ ءَ لیویز فورس ءِ غیر راهبندیں اُرش ءُ غیر اخلاقی عمل ءَ چہ زهگ ءُ زالبولاناں بیہار دئیگ ءِ ما سک مذمت ءَ کنیں۔ بی ایس او، تربت زون

ترجمان تربت زون، بی ایس او

بلوچ اسٹوڈنٹس آرگنائزیشن تربت زون ءِ ترجمان ءَ گُشتگ کہ سر بوتگیں حالانی رِد ءَ سہ شمبے ءِ شپ ءَ لیویز فورس ءَ ظہور بلیدئی ءُ اسلم بُلیدئی ءِ گُشگ ءِ سرا بلوچ اسٹوڈنٹس آرگنائزیشن ءِ کارمَستر واجہ ظریف رند ءِلوگ ءَ بیڑ برتگ ءُ پٹ ءُ پول کتگ، لیویز فورس ءِ گیش ایں پٹ ءُ پول ءُ غیر اخلاقی عمل ءَ چہ لوگ ءِ زالبول ءُ زهگ ءُ کماش ہم ترس ءُ بیم ءِ آماچ بوتگ اَنت، لیویز فورس ءِ میجر رحیم ءَ گشتگ کہ مارا ظہور بُلیدئی ءَ کڑن کتگ کہ شُما برو اِت اے لوگ ءَ پٹ ءُ پول بِہ کن اِت کہ اود ءَ بازیں تُپنگ ءُ ناشناسیں مردم موجود اَنت ما ظہور بُلیدئی ءِ حُکم ءِ سرا اتکگ ایں، اگاں شُمارا ہر مسلہ ءُ جیڑاہے است گڑاں ظہور بلیدئی ءَ گوں سول ءُ تران بہ کن اِت۔

تربت زون ءِ ترجمان ءَ گُشتگ کہ چوشیں غیر اخلاقی عمل ءُ غیر راهبندیں گامگیج ءِ ہمِنچو مزمت ءَ کن ئے بلکیں کم اِنت، چیاکہ بلوچ چاگرد ءَ چوشیں بے راهبند ءُ غیر اخلاقی عمل قابل برداشت نہ بنت ما اشی ءِ گیش ءَ چہ گیش مزمت ءَ کنیں کہ دگہ برے چوشیں رَدیں گامگیج یے بلوچ چاگرد ءَ دگہ کسے ءِ لوگ ءَ پیش مہ اِت۔

Leave a Reply

Your email address will not be published.