ہیات ارادے
وہید انجم
چراغ، پرّک ، گروک،جھمّر ، بہار بھازے ، ہیات ارادے ؟
ہزار بندغ نا دید مسّک، نزر ملاس ائے، ہیات ارادے ؟
نم اینو دے ٹک دے کیہلینگ ئسکان اودے پٹبو توار خلبو!
ہراڑے ہنتس خنارے پارے: ہیات ارادے ہیات ارادے؟
خڑینک، خِسکی نا نود ہلک آسمان ئے لمّہ وتن نا ڈھکّا
شلانےغم تِہ،کرینے مونجا دا شار شار ئے،ہیات ارادے؟
ہُشانے پام ئس دتر تِہ رغ رغ نا داڑے پِرغانے بند بند ئے
جُشانے سینہ، مس اُست کھپ کھپ، جغر نا لار ائے، ہیات ارادے؟
ہنانے استارتا روشنائی، اول نا توبے نا پیہنی اف
تہار زند ائے، دا شام، شام ائے، دا دے بِہ شام ائے، ہیات ارادے؟
کماش ، ورنا تون ایڑ ، ایلم ، وہید انجمؔ ہیات پارہ
اسٹ ارٹ آہہ دڑد تَہ کُنگ تیبہ راج ئے، ہیات ارادے؟
