اسے پین ھٙسِیبہ ٸس ساٸرہ نا دروشُم اٹ

تحریر: سراج بلوچ
براہوئی بدل: درویش بلوچ

ایڑ ایلم نا رشتہ بھاز اہم او بھاز زیباو رشتہ ٸس مریک دا رشتہ اسے اہمو رشتہ ٸس ئے ہرانا کہ ہچو بہا ٸس مفک ہراڑیسکا کہ بھلا ایلم ئے اودے باوہ نا درجہ تننگانے

دا رشتہ نا وجود انسان نا ودی مننگ تون اوِڑدہ مریک اور دا رشتہ انسان نا ساہ تون اوار سوگٙوْ مریک دا رشتہ تون اوارنگا اِہساس اور جزبہ غاتے نن ہڑدے تینا زندٸٹی خنیسہ برینہ

ولے اسے بدکِسمت او بد بخت او ایڑٸسے کن دا ریاست جاتو ٸسے آن کم اف ہراکہ دا اسے ایڑ ٸسے نا ارمان ڈکھ دڑد ٸتو اوار سلوکا مہر محبت تخوکا ایلمۓ دیک بےگْوا کیک

ہو او جاتوٸسے ہرا اِیڑتان تینا ایلم تے دیک کونیک اور نن بدبخت آک ہم دا کیامت نا دڑدی آ منزِرۓ تینا خنتیٹ خنینہ
نن تو ھسیبہ گُودی ئے ہم خنان وٙ اُونا تلوسہ خنتان خیسون دتر تفوکا خڑینکاتے ہم تینے آ خنان او داسا کہ ھسیبہ گودی خنتان خڑینکاک چِوہ بارِس او ، اُونا ارمانک خوشی اٹ بدل مسو کہ اسے پین بدبختو ایڑس ھسیبہ نا وڑ ساٸرہ نا دروشم اٹ ننا مونا خنتے نم کریسہ بس

ہراتم او اولیکو وار 8 جون (ہشت جون) آ مسنگ پرسننز آ تا کیمپ آ سر مس تو نن خنان کہ اُو مٙزلُوم ایڑ اُونا مہصوم آ چہرہ غا ڈکھ ، دڑد ،رنج آک تالان ٸسو ہراکہ بھاز آ پریشان ہال آ مخلوک نا نیام ئٙٹ دوٹی تینا بےگوا مروکا ایلم تا جنسار آتے ہرفوک ملاسنگا خنتان خڑینک شولیسہ ٸس

آسِف ہرانا کہ او ایڑ ٸس
اُوڑتون تو اُونا دتر نا رشتہ ٸس
ولے رشید اُونا کزن منّنگ تون اوار اوار ساٸرہ گُودی نا پاننگ کہ اُو تو کٙن کِن کنا ایلم مننگ آن ہم زیات ٸس اور رشید تو کنا مُہبر ہم ٸس

اگہ نن ساٸرہ گُودی نا گِدرینوکا دے آ نگاہ شاغن تو ساٸرہ گودی اسے خوش مزاج او مخوکو ایڑس اسّک تینا ایلم تیکن ساٸرہ اسے پری ٸس اسّک اوفتا ہر گٙل خوشی کُل ساٸرہ اسک اور ساٸرہ گُودی ہم ساٸرہ ئے کہ ہرا تینا ایلم تو اخہ در مہر ٸس تہ دا تو اسے مزلُوم اُو ایڑ ٸس پُہہ مننگ کیک

ساٸرہ گودی تو اسے پُھل ٸسے نا دروشم ٸس ہرادے کہ تاغت رسیفوکا دے اونا ایِلُمک اسو ولے کٸی سال آن اُودے تاغت بشخوکا دِے کِھی ہلنگانے تو ساٸرہ ہم شمپینگانے ،گیمُرینگانے

اُو ڈُکھ، رنج، دڑد اٹ تینا بےگوا مروکا ایِلُم تا یات اٹ خنتے نم کرے نے ہوغساۓ
ساٸرہ نا خڑینکاک تو مٙشتا زیہان وہوکا آبشارہ تان بار وہیرہ ہراکہ گمان اف کہ بس کرور وہیسہ کارہ
مشتا زیھان وہوکا دیر تو ہتم نا نشانی مریک ہراکہ انسان نا روہ ئے تازہ کیک
ولے دا مہسوم آ ایڑ ٸنا خنتان وہوکا خڑینکاک کربلا نا ندارہ ٸس پیش کیرہ
جی ہئو کربلا نا میدان ہراکہ داسا بلوچستان ئے

ساٸرہ تو اسے بہادرو اِیڑ سے اُونا نت آ شیف آ ڈغار اف کہ سلے ولے ساٸرہ تو پدا ہم ہمت اُمیت ئے تورینے کہ تینا آ نت آ سلوک ئے
اُونا تینا اُراٹی پیرنگا لمّہ باوہ ئے ہوسلہ بشخوکا راہشون ئے

جی ہو راشون ہراکہ روایتی مہاشر سے آن واستہ تخِک اُونا باوجود اُو تینا لمہ باوہ او ایلو ازیزاتہ دا ہیت آ باور کرفینے کہ اُو چُپ تولوکاتان اف
اُو تو تینا ایلم تے ہراکامرے آسمان آن مرے یا زمین نا شیف آن ہتو
ساٸرہ تو ایلم ئے زندگی بشخینگ نا پِنۓ

ساٸرہ اور ساٸرہ گُودی آن بارنگا بھاز آ مسنک تو خان آف کلات نا مسنک اُو
جی ہو خان قلات ہراکہ بانی پاکستان نا ایڑ مادرے ملت فاتمہ جناہ ئے بلوچی رسم و رواج نا وڑٹ شرف بشخیسہ اودے خیسون و چاندی اٹ تول کیک

اینو بانی پاکستان مُہمّد اٙلی جناہ نا منوکا وٙ اونا رند ئے ہلوکاتا دا فرض مفک
کہ اُو اینو ساٸرہ گُودی آن بارنگا ایڑ تا توروکا جھولی ئےپُر کیر
ُپین ساٸرہ تو اُفتان واہ انت خواہیک ؟؟
ساٸرہ پنچ آپ نا دیر آن خواہیک ؟
یا ساٸرہ گُودی سیندک، ریکوڈک ، ایلو سوٸی آن گیس ٸنا زخیرہ خواہیک؟
ہرانا کہ اُو تینٹ مالِک ئے اور نہ کہ ساٸرہ گوادر ناوہوکا خڑینکاتہ ہورِک ہراناکہ ساٸرہ ہمدرد ئے
ساٸرہ تو تینا خوشی ، تینا اِیلم تہ خواہک تینا اُورا نا خوشی و سہاراتہ خواہیک
انتئے ؟ دا ریاست اسے بلوچ ایڑ ٸسے کِن داخس ہم کننگ نا تاغت تِخپک ؟
اگہ داخس ہم کننگ کپک تو دا راست ٸسے زُلم ٸسے اور اد زُلم ئے خان آف کلات تینا سنگت پاروکا کاٸد آزُم مہمد الی جناہ ئے نشان ایتو ساٸرہ نا خنتا وہوکا خڑینکاک مادرۓ مِلت فاتمہ جنا ئے ہم نشان ایتو کہ ای بے وس اسوٹ تینا ڈغار آ ۔

Leave a Reply

Your email address will not be published.