دائسکا ہمے نی اُس

وہید انجم

اخس مونی ہنا دنیا نی دائسکا ہمے نی اُس
بدل مس ہر چُھنا بھلّا نی دائسکا
ہمے نی اُس

اول نا گیگ آ نی ہُپّہ بشہ کہ نیم روچ افّک
دے دیگر مس ہنا سیخا نی دائسکا ہمے نی اُس

ہمے ہیتاکُنے خْیالاکُنے بھیرَو ترسّاٹُس
کرک باور کنا ہیت آ نی دائسکا ہمے نی اُس

وتن تو راج ئنا دشمن تِہ چنکاتا تخاس انتئے؟
کنا اے راج ئنا ورنا نی دائسکا ہمے نی اُس

ارا دنیا نا رنگاتیٹی داخس بے سما مسّس
برک زُو سار ئٹی تینا نی دائسکا ہمے نی اُس

امر ارمان ئسے بج تسّنس، دڑد ئس لَغت تیسہ
نی دنّا مسّنس خڑجا نی دائسکا ہمے نی اُس

ننا سوچ اس ہمیتم کوپہ تو ہمگام مئو انجمؔ
ولے انجمؔ ننا بخت آ نی دائسکا ہمے نی اُس