بگھی ئے چھکوکا خْواجہ غاک پین ءُ

وہید انجمؔ

خاخر ئٹ سلوکا چیدہ غاک پین ءُ
مُرغنا سفر نا سنگتاک پین ءُ

مہر ئنا دیار آ پین ءُ ساہ تروکاک
بگھی ئے چھکوکا خْواجہ غاک پین ءُ

نے کہ زندگی سے بس کُننگ، خاچنگ
زندہ غاتا خڑکا زندہ غاک پین ءُ

سختی نا بدل اف اوفتا جہان ئٹ
خل تِہ دھک خلوکا شیشہ غاک پین ءُ

است اسُّسہ نی مابت آتا وخت ئس
اے وتن! نا داسا کسّہ غاک پین ءُ

دیر دا ہوالہ ئٹ سوچ کیک پائِہ
تینا ہند آ انتئے بندغاک پین ءُ ؟

اُف بفک زبان آ، اَف خڑینک خن تیٹ
آگہی نا مرگ آ مودہ غاک پین ءُ

دا وڑو زمانہ سے ٹی اُن نن انجمؔ
کار، کڑد پین اے ، چہرہ غاک پین ءُ