نظم

عمران بلوچ

نی پاسہ
بلوچ کن قبر ارے
تہارمہ غا نن ارے
لمہ کن دڑد ارے
باوہ کن خْواری ارے
ایڑ کن زاری ارے
زائیفہ کن جنوزانی ارے
چھنا کن یتیمی ارے
نی پاسہ
کنے بلوچستان ضرورت ارے
بلوچ نا نام و نشان گم مرے
دا نا خام خیالی ارے
ای پاوہ
تاریخ ارے
فرعون کن موسی ارے
یزید کن حسین ارے
یہودا کن یوسف ارے
گڑا کعبہ ٹی ہم ابلیس نا اُرا ارے
گڑا دا ہم نے خبر ارے
ابلیس کن ہفت یل ارے
داوسکان تاریخ نا ایلو پنو ارے
پیل کن چُک ارے
بلال کن محمد ارے
اسماعیل کن جنت نا میڷ ارے
فاطمہ کن شیرِ خدا ارے
گڑا ہموہن
دہلی ٹی بلوچ نا تلوار نا نشان ارے
سکندر اعظم نا فوج کن یلغار ارے
قلات نا قلعہ ارے
شاہی تخت ارے
نوروز نا ٹپ ارے
انگریز تو نورا نا جھڑپ ارے
جنگ کن فرید ارے
سنگت تہ اسلم ارے
شاعری کن مرید ارے
سم تا مون ٹی قلم ارے
ٹینک ئنا مون ٹی کتاب ارے
یزید ارے تو کاٹم تننگ کن حسین ارے
جغر تننگ کن لمہ یاسمین ارے
دشمن نا خن تِہ کشوکو لمہ کریمہ ئس ارے
اوکان مست بابا خیربخش مری ئس ارے
اونا سوچ و فلسفہ ئس ارے
دشمن کن او خرین ماٹیٹو و کلپورہ ارے
ایٹم بمب سگوکو چاغی ئس ارے
سینہ ئے بڑز کروکو شاشان ئس ارے
دڑد ئے پوہ مروکو چلتن ئس ارے
خل خل یل یل ئٹ دڑد سہوکو ہربوئی ئس ارے
یاداشت تخوکو بی ایس او ئس ارے
ذاکر، زاہد شبیر تو حفیظ ئس ارے
اگہ انسان کنوکو خرما ارے
ولے سوچ ئے پرغوکو مگہ ملائک ارے؟
پا روشنی ئے توروکو نے تو اسپر ارے ؟

Leave a Reply

Your email address will not be published.