شہید سبا دشتیاری

وہید انجمؔ

مہراتتو بشخندہ اُس
بابو سبا نی زندہ اُس
ڈس ئہ بیان اُس اِلم ئنا
سوگو نشان اُس اِلم ئنا
نا فکر تالانی خنا
ہر زرہ زرہ ٹی وہا
مش، ریک مِش تیٹی اوار
مسّس تلار تا نی توار
نی ہکّل اُس کاہان نا
نی بُڑزی اُس شاشان نا
نی ہمت اُس سرباز نا
نی چیدہ اُس سُر ساز ئنا
نی لڑزہ اُس بمبور نا
نی چلتن اُس کاٹھور نا
افک ہزار ئٹ نا بدل
افک دا شار ئٹ نا بدل
نی راستی نا سنگت اُس
پارود، شاپک، کلمت اُس
استار تِہ تسّس روشنی
مسک سبخ نا بندغی
نیتو اوار اے کندڑی
شائر نا شئیر تا لیلڑی
نیتو مخیک اینو ڈغار
نی ہم مخیسہ وار وار
راج ئٹ، گمان ئٹ زندہ اُس
ہر ہر جہان ئٹ زندہ اُس

Leave a Reply

Your email address will not be published.