بلوچ شہیداک

وہید انجمؔ

ننا دا ٹکّر مروکا کاٹم تا خْیال ئسے بِن!
ننا دتر نا پُھڑی پُھڑی ٹی سوال ئسے بِن!

مروئے ایسر نا بادشاہی ، نا زلم ئہ تادی
ننا شہیدی نے کن خرابو ہوال ئسے بِن!

وتن ٹی تینا ہُشون اٹ دیچھ تُور ئنا مش؟
اسٹّو دیدار ئسے کِہ داخس جلال ئسے بِن!

دا سرزمین آ رہینگ نے کن مروئے مشکل
چُھنا چُھنا نا زبان آ نے کن ملال ئسے بِن!

مرور چٹ سیر دِیر ہڑدے ملاسا پُھلّاک
بنک ڈغار آ اسٹ نا شاغوکو پھال ئسے بِن!

بروکا آشوب ہر وڑئٹ تینا مٹّ ئے تینٹ
اسیکہ زمرود، اسیکہ مرواری، لال ئسے بِن!

سہوئی تمّوئے ٹھپّ ئنا زیہا ٹھپّ ئے داسا
مروئی اے آجو مہن آ آہن نا جال ئسے بِن!

بروکا پیڑیک دا نا سیخا ٹی تولور انجمؔ
ہموفتے کن خَلینہ داڑے نہال ئسے بِن!