زیارت نا شہیداک

محمد جان درویشؔ

خَلک بِٹے اُو ڈیھ ٸنا ورناتہِ کھسفے
ایڑ و ایلم، لمّہ غاتا ماتہِ کھسفے

نے سما اف خلک ٸٹی دا واہُزنگ اے
خَلک ہم تیناتہِ او پیناتہِ کھسفے

کوپہ و ایلم تا کُل ئے رہبراتِہ
باسُنا دے آ بٹے سیخاتہِ کھسفے

کس ٸنا مجنون ٸسے سُم تیٹ خُلاّ
کس ٸنا لاشاتہِ تِس لیلٰاتہِ کھسفے

روشنی آن ہم خُلیک گُڑجو ئسے او
توبے ئے مہگیر کرے اِستارتہِ کھسفے

پِرِک آتِہ، بُلبُلاتہ بے وطن کٸے
گْواڑِخ ئے گُٹو کرے پُھلاتِہ کھسفے

انت خلتو انت اِلا انت خلو پین؟
تینے آن او وس کرے فِکراتہِ کھسفے

شون ہلیکک پین موستی فکر ٸنا گپ
چٹ گنوک اے بیرہ او ہیتاتہِ کھسفے

ساہ تِروکا کیس نی ورناتہ دن یاد
بس رسینگا گر امن جنگاتہِ کھسفے

شاعری سوچان درویشؔ ورناتے کن
بس چِھرِک ٸس بھاز ٹُند ڈیواتہِ کھسفے