علم ءِ روژناہی پہ زوراکی دارگ نہ بیت

نبشتانک: ظفر رند

من وا لوٹیت علم ءُ زانت ءِ یک چراغ روک کناں
تئی بدیں نیت منا نیلیت کتاب ءِ نیمگ ءَ

روژناہی پہ زوراکی دارگ نہ بیت ہمینچو گیش زور آور ءِ طبقہ کہ روژناہی ءَ دارگ ءِ جہد ءَ کن انت آ گیش مئے نوجوان نسل ءُ وانندگ ءِ طبقہ جیڈگ فرمائیت آہانی زہن ءِ تہا گیشیں ُجست ( سوال ) پیداک بیت ہمیں جُست آہانی زہن ءِ تہا محکمی ءُ تمردی پیداک کن اَنت ،

بلوچستان زمین ءِ سر ءَ ای نوکیں گپ ءِ یہ داستان ءِ نہ انت کہ کلکشان ءِ وانگجاہ مروچی آس دئیگ ( ما ندارگ ) بوتگ بلکہ ای یک تسلسل ءِ جاری انت ، بلوچستان ہمک کنڈ ءَ یہ ہمک دمگ ءَ ای پیم ءِ داستان گندگ ءَ کاینت یہ وجود دار انت کہ علم ءُ زانت ءِ روژناہی چراگ ءِ راہ بند کنگ بوہگ ءَ انت دانکہ بلوچ راج ءِ لس مہولک چہ وانگ ءَ مایوس بہ بیت اُو کتابانی گوماں نزدیکی یل بکنت ،

گوستگیں دہائی ءَ چہ لاہور یک پبلشر گُشگ ءَ رد ءَ کہ آئی گیشتر چھاپ بوتگیں کتاب بلوچستان تہا بہا بوتگ انت اُو آئی گیش وانوک اُو زوروک بلوچ نودر بوتگ انت ،

استحصالی قوت ءَ وڈ وڈیں پندل ساز اِتگ کہ بلوچ نودربر چہ وانگجاہ دور بہ بنت اُو علم زانت روژناہی چہ زبہر بہ بنت بلئے راجدپتر ءِ ہمک تاک ای گپ ءِ گواہی ءَ دنت کہ ہر وہد ءَ بلوچ ءَ گوں تمردی ءُ محکمی ءَ ای پندل نا کام کُتگ انت اُو وتی علم ءُ زانتی سپر برجاہ داشتگ ،

روس ءِ یک مزن نامیں انقلابی رہنما ، ویسارین بیلنسکی جاہ ءَ گُشیت ،

ہمک لکھاری یہ دانشور وتی چاگرد ءِ ماحول مطابق ءَ نبشتہ کنت ،ہمیں ہاتر ءَ آئی ءَ سماجی راستیانی پدر کنگ ہاتر ءَ جہد کنگی انت ، چاہے صدا (صدی) سال بگوزنت “ فن برائے فن “ ہچ جاہ ءَ وجود نداریت بلکہ فن وت راستی پیداوار اِنت آ وتی تہا درستین صداقت ءَ یکجاہ کنت ،

بلوچ راج ءِ نودربر یک plain مطابق ءَ چہ علم ءُ زانت ءِ روژناہی ءَ چہ دور کنگ بوہگ ءُ انت تیوگیں بلوچستان تہا نودربر چہ علمی درسگاہ ءَ چہ گیش چوک ءُ چاراہ ءِ سرءَ گندگ ءَ کاینت ہمک روچ یک جیڈہ ءِ پہ آیاں پیداک کنگ بیت دانکہ آ وتی علمی سپر ءَ دیم بُرت مکن انت ، بلئے انچوش کہ جاہ ءَ واجہ گُشیت زوراکی محکومی ءُ بزگی راج ءَ گیش مضبوط کن اَنت پرچہ کہ ہمینچو زوراکی گیش بیت انت آ انسان ءِ باتن ءِ تہا جاہ کنت اُو انسان آئی چہ عادت کنت، گُڈا آئی واستہ ای یک مزنیں جیڈہ نہ بیت ،

مارا نہ تہناء ای جیڈہ یک میتگ ءَ چہ محدود کنگی انت بلکہ تیوگیں بلوچستان نودربرانی جیڈہ چارگی انت اُو آہانی بابت ءَ سوال کنگی اِنت دانکہ زور آور ءِ مہلوک ءِ ای پندل دنیا دیم ءَ پدر بہ بیت اُو پدا ای پیم ءِ پندل ءَ سازگ ءَ ہزار رند ءَ بہ جیڈیت ،

کدم نہ پُرشتگاں پادانی توکل ءَ داراں
‏من کلکشاناں وتی رُژنءِ پاکیں اِستاراں
‏