وانگ جاہانی تہا بلوچ نودر برانی جیڑہ
نبشتکار : ظفر رند
بیستمی یکمی کرن ءَ دنیا ایندگہ راج آزمان ءَ سر بوتگ انت اُو دنیا تہا جدید ٹیکنالوجی اُو ایندگہ آسراتی ءِ لوٹ ءَ کنگ ءَ انت بلئے بد بہتی ءَ بلوچ راج مروچی تک ہم ہما کرن ءِ تہا زند گوازینگ انت کہ آئی پیر ءُ کماش ء اُو پشت پد ءَ زند گوازینتگ ،
جدید ٹیکنالوجی لوٹ وتی جاہ ءَ مروچی جدید دور تہا بلوچستان تہا انچیں بازیں دمگ است انت کہ آ میتگ ءَ وانگجاہ ہم نیست انت اگاں جاہ ءِ وانگجاہ جوڈ کنگ بوتگ گُڈا اودا استاد نیست انت ،
سائل وسائل ءَ چہ مالا مال بلوچستان ءِ نندوک ءِ مہلوک چہ درستیں بنکی آسراتی ءَ زبہر انت ، مروچی بلوچستان ءِ سائل ءُ وسائل ءَ چہ ہمسائگ ملک آباد بوتگ انت اُو جدید دور تہا زند گوازینگ ءَ انت بلئے بد بہتی ءَ بلوچ زمین ءَ سر ءَ نندوک ءِ مہلوک انگت تک وتی بنکی آسراتی چہ زبہر کنگ بوہگ ءَ انت ،
شال سرزمین بہ بیت یاکہ پنجاب تہا بلوچ نودربر بہ بنت آ وانگجاہ ءَ چہ گیش چوک ءُ چاراہ سر ءَ ہمک روچ گندگ ءَ کاینت ، ابید ءِ کہ نودربرانی جیڈہ گیش ءُ گیوار کنگ بہ بنت بلکہ ہمک روچ گیش بوان انت ،
انچوش کہ گوستگیں روچ ءَ بلیدہ دمگ الندور ءَ کلکشان وانگجاہ ماندارگ ( آس دئیگ ) بوت تیوگیں بلوچستان تہا نندوک ءِ شعور یافتہ طبقہ آئی مخالفت کُت اُو توار چیست کُت ، اُو علم زانت ءِ لوٹ کُت ، مروچی شال ءَ چار روچ انت کہ فیزوتراپسٹ ما زندان تہا بندیگ کنگ بوتگ انت کہ آ پرچہ وتی بنکی حق لوٹ ءَ کنگ انت ، ای تنہا یک میتگ یہ طبقہ مسئلہ نہ انت بلکہ بلوچستان درستیں میتگ ءَ نندوک ءِ مہلوک ہمیںِ جیڑہانی دیمپان انت ،
ایشی ءَ چہ پدر بیت انت کہ ای جیڈہ تنہا یک میتگ ءُ بازار نہ انت بلکہ تیوگیں بلوچستان تہا نندوکیں نودربرانی جیڑہ انت ، مروچی اتھل مزن وانگجاہ ءَ ( لسبیلہ یونیورسٹی ) ہم ہمیں پیم ءَ انتظامیہ نودربر رسٹیکیٹ کُتگ انت کہ آ پرچہ وتی بنکی حق لوٹ ءَ کنگ انت اُو جیڑہ ءَ دیم ءَ آرگ ءَ انت ہمیں ہاتر ءَ آہانی نام ءَ دروگیں ایف آئی آر کُتگ تاکہ آ وتی وانگ جاہانی تہا ظلم ءُ زوراکیانی ہلاپ ءُ توار چیست مکن انت ،
بلوچ نودربر ءَ ای ہبر زانگ لوٹیت کہ ای یک حکمران طبقہ اُو زور آور مہلوک یک پندل ءِ تاکہ آ بلوچ نودربر ءَ چہ وانگجاہ دور بکن انت اُو علم ءُ زانت راہ یل بکن انت ،
ای ظلم ءُ زوراکی تنہا مروچی بلوچ نودربرانی گوماں بوہگ ءَ نہ انت بلکہ آئی پشت ءَ یک راجدپتر است اِنت ، بلئے ای گپ ءِ زانگ المی انت کہ بلوچ راج ورناہ ءُ جہدکار ہچبر پہ ترس ءَ یہ زوراکی چہ وتی موقف دور نہ بوتگ انت اُو انگت نہ بنت ،
ای یک اجتماعی جیڑہ ءِ بائد انت درستیں نودربر گل ءُ شعور یافتہ ءِ طبقہ یکجاہ بہ بنت اُو ای پیم ءِ پندل ءَ بے سوب بکن انت ،
راج ہما وہد ءَ دیمروئی کن انت کہ آ دیمروئی بابت ءَ جیڑنت وتی معاشرہ جیڑہ وتی سرپد بنت اُو آہانی حل کنگ ءِ جہد کن انت ،
اتحاد اتحاد پہ وشی روچ ءَ اتحاد
