سڑدار ئے کھسفن

شاٸری: محمد جان درویشؔ

بر کہ اینو کین سنگسار نن ہمو سڑدار ئے کھسفن
کیک ہرا سودا وطن نا بر ہمو غدار ئے کھسفن

کھسفنک نن، تین پھاؤ ٹکری میر و نواب ئے
کھسفنک نن ہر ہمو مکاری آ کردار ئےب کھسفن

سامراجی چال و چم ئے ، کین غلام آ سوچ ئے گُٹّو
لوپ کینک زات ئے تینا نن مفاد و خار ئے کھسفن

کھسفہ پِرک ، پُھل و گْواڑخ مچّا زیباغا بہار ئے
مال و زر ڈیھ آ ہلیکک بشمہ دا واپار ئے کھسفن

دا درو نا شار ہَراکِہ ظلم ئسے آ بش مروک اس
ڈنگ خلک خضدار ئے اینو بر ہمو سْیاہ مار ئے کھسفن

خلک ئنا دا بزگل ئے کُنگ چٹ کرے پارے اسٹ ئس
واڑ ئٹی جُپّانے خرما، ہڷ نی دا کفتار ئے کھسفن

بسّے داسا بھاز مسک خَلک بٹے او ڈیھ و ڈن ئٹ
وس کرے کھسفے ننے او، بر ننا دا وار ئے کھسفن

سنگتی نا افّ درویشؔ نیمہ داڑے نیمہ ایڑے
دا ننا دلدار افّک بےوفاغا یار ئے کھسفن