غزل

ناصر عفانؔ

جہان ئس مروئے ننا ، پین وڑ

ننے کس خنوئے سفا ، پین وڑ

ننا پین دنیاس تینا مرو

ہراڑے مروئے ، وفا پین وڑ

ہرافتا دترک گلزمین کہ وہار

ہموفتون ملّون ، پدا پین وڑ

امر دشت ئسے نا ہنا عشق ئٹی

پدا چَکّ خلتو ہنا ، پین وڑ

گنوکی ٹی اخسّ سمائی ارے

کرینے گنوک ئس ، سما پین وڑ

نا ہم زندہ مننگ تو اف لازمی

کہ جاگس سلِک نا ، بقا پین وڑ

کنف زم زم ئس اینو بولانی ءُ

نوا است ئے ملّے ، شفا پین وڑ

ننا آرزو آخری آجوئی

پدا نن کہینک گڑا پین وڑ