پِنڈوکا مسڑکو

وہید انجمؔ

مسڑکوس اسّکہ پِنڈوکو
ہرہر بندغ آ مہسومی ئٹ دُو تورسہ اسّک
اسٹ اوڑا مخاکہ تو
اسٹ اوڑا چِھڑاکہ اودے پاریکہ:
مسڑ اِلّے ننے انت ئس نی جوڑانُس!
ہخس غرّانک جھلّاکہ
پدا بِہ ”ماما“ ”ماما“ پارسہ دُو تورسہ مُستی برسّا اس
مسڑکو نا گْور آ پُچّاک ہرّنگوکو اسّر، نت شپاد اسّک
خُلیس آن
دُوک تَہ لڑزارہ، دُو تیٹی تَہ ہشتانہ مَنَٹ اس
داخہ بیوس اسّکَہ کِہ
بیوسی خن تان تَہ چیہانٹ کئیکَہ
خف تیٹی پنّاکہ،
وے سِلّوکا اونا پُژّغاک ہم پاس پاس آ خن تا تمّارہ تو خن تا تَہ سوال ئے، بےکسی، مجبوری، وےافّی ئے ڈھکّارہ
ولے اونا سوال اودیم ہِچ مننگ ئٹی الّو
او زاہِر اس
او چَپّیئا رواجاتِہ
بِسٹ مشّاخ کننگ، گُٹّ ئٹی ہلّنگ خْواہاکَہ