گْوادر

شاعر: وحید انجم

مس بلوچاتا در، اُرا گْوادر
اخّسو دڑد و غم خنا گْوادر

انت ائے بیجنگ ئے اسلام آباد ئے
ٹھپّ مس ، کھپّ مس ننا گْوادر

سیّدؔ ، استاد گْوادریؔ نا ہند
مہر ، مابت ، شہد ، سخا گْوادر

پِھٹ کروئے نسل بروکا نے
زندہ مسّس اگہ ہنا گْوادر

ابرمی ناچ ، سُر جمال و رنگ
ساز و زیمل ، صنم ، وفا گْوادر

بولی لگّانے دا ہڑکّی تا
نے امر ہیسُنُہ پِڑ آ گْوادر

بر دتر تان پھینڈی ئٹ لکّھین
تینا باتیل نا مش آ گْوادر

تپّرہ نی اراڑے خاچوک اُس؟
دن ہشنگانے نا رہا گْوادر

تھالی چٹّاتا ہیت چلّاکہ
انت مُہنی ہِنو گُڑا گْوادر

گْوادر آ نن ہِنان انت انجمؔ
گھام ئے اُست ئٹ ننا تخا گْوادر