لچہ: گُلیں ورنا

نبشتہ کار : نُگرہ سلیم

منی ڈیھ ءِ گُلیں ورنا
شرابی کدھاں لیب ئے
برے تَریاک ءِ شیکاں گوں
برے چَرس ءُ برے ھیرون
تئی دردانی درمان اَنت
منی ڈیھ ءِ گُلیں ورنا
نہ بئے چاکر تو زوراکیں
نہ بئے گھرام ءِ پرزند تو
نہ بئے تو تیر جَنیں بالاچ
نہ بئے دودا تو بیرگیریں
نہ بئے تو زَھم جَنیں ھَمل
نہ بئے رھشونیں ھیر بکش تو
نہ بئے مَنان راجدوستیں
منی ڈیھ ءِ گُلیں ورنا
گلائش گوں ڈول ءُ ناچان تو
بلوچ ءِ کار نہ بوتگ اے
ھمک ڈول ءِ سرا نچ ئے
کُجا میر ءِ یَلیں بَچ ئے
بر ئے ھالاں وتی ڈیھ ءِ
مِر ئے پہ پنچ ھزار زَر ءَ
جَنئے سودا وتی مات ءِ
منی ڈیھ ءِ گُلیں ورنا
منی اکبر تو گْوازینتگ
منیر لالا ، گُلام مھمد
منی رھمین منی اھمد

زُبیر زاھد تو سالونکیں
منی ڈیھ ءِ گُلیں ورنا ۔