عشق ئٹی

ناصر عفانؔ

گلزمین نا خاک کِن قربان مروکا پِرّکاک
دِلبری نا آخری حد آ بریرہ ،عشق ئٹی

خاک ئنا دا زرّہ غاتے خن تا کیرہ، ہوغرہ
او وطن کہ خاخراتے خُمب کیرہ ،عشق ئٹی

کس چمن نا غُنچہ ئے تینا دِتر ٹی دیر تِس
پِت گُڑا اوفتے کہ انتئے جان تیرہ، عشق ئٹی

نن کہ خَل مَش، ڈھونک،ریکاتیٹ، پِتاتیٹ مُشکل ئے
او تو پَنچ دریا نا ہم یام ئٹ دھڑیرہ ، عشق ئٹی

لمہ کہ گر جان ٹُکّر گرچہ مس گُوا انت مس؟
انت کریٹ ای اوڑکہ تو لکّھاک کہیرہ ،عشق ئٹی

فکر دا بِسّن اگر مس اودے کسس پِرغِپک
یارک زنجیر آتے پِرغرہ بریرہ عشق ئٹی

ہَکّل آتے او مجیدی آ بنِر گُم سُم مریر
جوش ئٹی طوفانک مون ئٹ تا سلیرہ عشق ئٹی

یار نا اے پَمبہ ئیا بُوچ ئے ہم سگوف بدن
داڑے تو تینے دِتر کیرہ کہیرہ عشق ئٹی