مون ائے نن کِٹ تہاری منّنگ آن

وہید انجمؔ

مون ائے نن کِٹ تہاری منّنگ آن
کے چراغ انت ویتِہ لگّنگ آن؟

دا نا شاہیگی نا کمال ائے کہ
سوبری تیک تینا کننگ آن

اے مسافر ہُرس نی پشتاؤس!
ہر اسٹ ئے اوار دنّنگ آن

خُوڑت خاموشی بند بند ئٹ مس
اُست ئنا ہکّل آن ہلّنگان

دا تو تینا سے چائسُن دادے
مہر مہر ئٹ زراب خسّنگ آن

دے منَہ زندہ مسّنہ شہر ئٹ
راست پارین زوت خَلّنگان

پار انجمؔ اخس سما ائے نے؟
داڑے مننگ ئہ داڑے بنّنگ آن