بلوچ اسٹوڈنٹس آرگنائزیشن وڈھ زون نا کُنڈان اسہ تربیتی سرکل ئس اڈتننگا، ہرانا سرہال “سماج ئٹی تنظیم نا کڑدار” اس
سرہال نا زیہا لیڈ آف سنگت سُدیس بلوچ تِس ہرا ٹی تنظیم نا مسخت ،کاریم ،سماج ئٹی تنظیم نا زرورت نا زیہا گپ ئُہ تران مس
سرہال نا زیہا مونی ہیت کرسہ سنگت پارے کہ سماج ئٹی تنظیم نا اسہ بھلو کڑد ئس مریک ہرا اسہ مسخت ئسیکن مخلونک ئے مُچ کیک پدا اوفتہ اسہ کسر ئس نشان تیک
مُستی گپ کرسہ سنگت پارے کہ سماج ئٹی انقلابی تنظیم کُل آن طاقتورا تنظیم ائے انقلابی تنظیم نا باسک آک بِنا لالچ آن تینا خزمت آتِہ تنظیم کن ایتِرہ۔بی ایس او بِہ اسہ انقلابی ءُ تنظیم ئسے ہرا نا اسہ بھلو تاریخ ئسے بی ایس او تینا پلیٹ فارم آن بلوچ قومی تحریک کن بھازا خزمت آتہ تسّنے، ساڑی آ وخت ئٹ ہم بی ایس او نا ورناک بلوچ نا ہر جیڑہ ٹی بلوچ تون اوار ءُ
سرکل نا ایسری ٹی سنگتاک انقلابی شئیر تا نشست ئس تخار ہراڑے سنگتاک تینا شئیر تِہ بنفیر
