بلوچ وطن ،بلوچ راجی تاریخ، بلوچ نسلی بُنماس نا رِدٹ اینو(2021-1-10) بی ایس او خضدار زون وڈھ ئنا سنگتاک اسہ اسٹڈی سرکل ئس اڈ تسّر

وڈھ زون، بی ایس او

اسٹڈی سرکل نا سرہال خْواجہ فاروق بلوچ نا کتاب “بلوچ اور اُن کا وطن” اس۔

سنگتاک کتاب نا اولیکو بشخ ئے خْوانیسہ بلوچ سرزمین و تاریخ نا ہوالہ ئٹ جتا جتاؤ خیالاتا ہیت کریر۔ اسہ پارہ غان بلوچ نا تینا ڈغار آ اونا دود ئنا دمباتا ، اونا مُتکنی نا سائنسی ڈسّاتا گپ مس ، تو ایلو پارہ غان دا کتاب ئٹی سامراجی چمّاتا دُو آن بلوچ نا تینا تاریخ ئے گُم کروکاتا ہم اسہ کچّس ہوال تنّنگا۔

آخر ٹی سنگتاک ہندا پاریر کہ کتاب نا ایلو بشخاتِہ بروکا سرکل ٹی خْوانون و بلوچ راج ئنا تاریخی پہلوتِہ سرپند مرسّا مونی ہِنون۔

Leave a Reply

Your email address will not be published.