بلوچ اسٹوڈنٹس آرگنائزیشن ءِ بُنگیجی کارمَستر واجہ زریپ رند ءِ لوگ ءَ ھچ سَوب ءَ ابید لیویز فورس ءِ اُرش کنگ ءُ آئی زھگ ءُ زالبولان ءَ تُرسینگ ءِ ما سک مُذمت ءَ کن ایں۔ بی ایس او، اتھل زون

ترجمان اتھل زون، بی ایس او

بلوچ اسٹوڈنٹس آرگنائزیشن اتھل زونءِ ترجمانءَ گشتگ کی ھالانی رِد ءَ گْوستگیں شپ ءَ بی ایس او ءِ پاگواجہ زریپ رند ءِ لوگ ءِ سَر ءَ زھور بلیدئی ءَ ریاست ءِ سِپائیگان راہ داتگ ءُ زریپ رند ءِ لوگ پَٹ ءُ پول کُتگ اَنت ءُ لوگ ءِ زالبولان ءَ بیھار داتگ ءُ تُرسینتگ ءُ بلوچ دُود ئِے لگتمال کُتگ اَنت۔ ریاست ءِ سِپائیگان ءَ گْوشتگ کہ مارا زُھور بلیدی ءَ اُرش ءِ ھکم داتگ کہ شما برو اِت اے لوگ ءَ بہ پَٹ اِت کہ اے تُپنگیانی بُنجاہ اِنت ءُ آھان ھمے گْوشتگ کہ اگاں شمارا ھرچ مسلھے ھست گوں زُھور بلیدی ءَ گُڑا شما وت سُوڑگ ئِے بہ کن اِت۔ بلے مارا ھمے ھکم رس اِتگ ما آتکگ ایں۔

زونل ترجمان ءَ گوشتگ اگاں ما بہ چار ایں اے بلوچ راج ءِ دودانی ھساب ءَ بلاھین سِلّیں کارے۔ اے ریاست کارندھانی کار اِنت کہ راجی جْھد کارانی لوگانی سر ءَ اُرش کنائین اَنت، بیھار ءُ لَٹ ءُ کُٹ کن اَنت ءُ آھان ءَ ھاموش کنگ ءِ واست ءَ بازیں پندل جوڑ کن، ھمے مردمانی سَوب ءَ بازیں نودربر مَرگ ءِ آماچ بوتگ اَنت ءُ دگہ بازیں گار اَنت۔ بہ گند ئے کہ یکیں واجہ زریپ ءِ لوگ نہ اِنت بلکین ایشان بلوچستان ءِ ھمک لوگ پُرسیگ کُتگ اَنت، بلوچ ماتانی اُمیت اِش گار کُتگ ءُ ھمک بلوچ نودربر ءِ گار ءُ بیگواہ کنگ ءَ دست اش ھَوار اِنت۔ بازیں نودربراں مَرگ ءِ بیھار داتگ ءُ ھاموش کُتگ اَنت۔

بی ایس او اوتھل زون ءِ باسک گوں بی ایس او آدگہ سنگتانی ھمک گَم سکّی ءَ ھمکوپگ بنت۔

Leave a Reply

Your email address will not be published.