بلوچ زالبول ءِ سیاست تہا کِرد؟
نبشتانک: ظفر رند
دنیاءِ ایندگہ راجانی زالبول مروچی ای بنکی سوال ءَ چہ در اتکگ انت ءُ وتی آزادی، خودمختاری ءُ ایمپاورمنٹ ءِ گپ ءَ کنگ ءَ انت اُو وتی ھاکم ءَ چہ نوکیں لوٹ کنگ ءَ انت، بلے ما بحیثیت یک راج ءِ مروچی وتی بنکی جیڑہانی سر ءَ بحث کنگ ہم بندات نکوتگ کہ ما بحیثیت راج وتی ای راجکاری ئے سپر ءِ تہا چینچو بلوچ زالبول گندیں کہ گوں جہد ءَ ہمگرنچ انت اُو پہ وتی آزادی اُو وتی چاگرد ءِ تہا ای جیڑہ ءِ سر ءَ چینچو بحث کنگ ءَ سوبمند بوتگ۔
بلوچ راجدپتر ءِ تہا مارا باز کم ای چیز دیم ءَ گندگ ءَ کیت انت کہ پہ زالبول ءِ حق ءَ نبشتہ کنگ بوتگ اُو آئی ءَ مئے چاگرد ءِ تہا یک زندگیں انسان ءِ لیکگ بوتگ۔ ما وتی راجدپتر ءَ مردین ءَ گوں زالبول ءَ وہد ءِ کمپئیر بکنیں گُڑا مارا زالبول ہیچ گندگ ءَ نئیت انت۔
بلوچ راجدپتر ءَ ادب ءِ دومی دور ءَ بزاں کہ ملائی دور ءِ تہا لہتیں زالبول ءِ نام مارا گندگ ءَ کیت انت کہ آ وت ما وت جنگ ءُ جدلانی تہا زلم ءُ زوراکیانی آماچ بوتگ انت اُو آہانی نام مارا چہ وتی پہلوان ءُ شاعرانی شعرانی تہا گندگ ءَ کاینت۔ آ مہری داستان بہ بنت یا جنگی داستان، دوئیں کسّہانی تہا یک کسانیں ھد ءِ تاں مارا لہتیں زالبول ءِ نام گندگ ءَ کیت انت۔ للہ ءُ گراناز تہا گراناز ءِ کرد، بالاچ ءُ دوداءِ داستان ءِ تہا ایشانی مات ءِ کرد، ہانی ءُ شے مرید داستان تہا ہانی کرد اُو دگہ لہتیں نام انچیں است انت کہ مارا کسانیں ہد ءِ تک گندگ ءَ کاینت۔ اودا ہم زالبول ءِ راستی کردار چیر دیگ بوتگ ءُ مردین گیشتر مزن کنگ بوتگ ءُ ڈسکس کنگ بیت۔ مئے بازیں وانندگ ءُ ورنا مروچی ہمے داستانانی مثال ءَ دنت آئی گوں راجدپتر ءَ جوڈینیت۔
راجانی تاریخ ہما وہد ءَ بندات بیت کہ آہانی سیاسی سپر بندات بیت ءُ نبشتہی دروشم ءَ دیم ءَ کیت انت بلے مارا ای سپر ءَ ای پیم اچ گندگ ءَ نئیت انت۔
بلوچ زالبول مروچی ءَ چہ بیست سال ءَ پیسر یک کسانیں پیمانہ ءَ مارا سیاسی سپر ءِ تہا گندگ ءَ کیت انت کہ گوں سیاست ہمگرنچ بیت بلے اودا ہم پہ زالبول ءَ اچ پیم ءِ اسپسیس یل ءَ کنگ نہ بیت۔ اُود ءَ ہم پشت ءَ دور دیگ بیت ای دورانیہ لہتیں نام مارا الم ءَ گندگ ءَ کیت انت کہ گوں تمردی ءَ وتی پدمنتگیں رواج ءُ وتی چاگرد ءَ مردین ءَ چیلنج کن انت ءُ جہد ءَ گوں ہمگرنچ بنت۔ ہزار بہتام ءُ چیلنج پد ہم پشت ءَ نکنزنت اُو ای سپر ءَ گوں ہمگرنچ بنت کہ ہر بلوچ ءِ توار ءُ ہمت جوڈ بنت بلے یک کسانیں ہد تک ای بلوچ آسودگی نہ انت۔
اوشو جاہ ءِ نبشتہ کنت کہ؛ زالبول ہما وہد ءَ تک آزادیں زند ءِ گوازینگ ءَ سوبمند نہ بیت دانکہ آ پہ وتی آزادی ہاتر ءَ وت جہد مکنت!
مروچی مے وانندہیں زالبول ءَ ہم ای جہد کنگی انت اُو جہد ءَ گوں ہمگرنچ بوہگی انت اُو ای سپر ءَ وتی کرد ادا کنگی انت۔ ای جہد ءِ سپر ابید ءِ زالبول ءَ نا سرجم انت۔ مروچی زالبول ءَ پہ وتی آزادی ءُ ای چاگرد ءِ تہا برابری ہاتر ءَ وت جہد کنگی انت۔ اُو ای روایت پروش دیگ انت کہ زالبول تہنا بلوچ ءِ غیرت نہ انت بلکہ آ ای چاگرد ءِ تہا زندگیں انسان ءِ اُو آئی ءَ آزادیں زندءِ گوزانیگ ءَ برابری ءَ حق است انت۔
مروچی ہر وانندئیں ورناہ ءَ ای بحث کنگ زلورت انت اُو ای سرحال ءِ سر ءَ نبشتہ کنگ ءِ زلورت انت دانکہ راستی تاریخ مارا اُو مے آوکیں پدریچ ءَ شریں پیم ءِ سر بہ بیت۔
شہید حمید شاہین جاہ ءَ نبشتہ کنت؛ مروچی سرمایہ دارانہ چاگرد تہا زالبول ءِ آ کہ کد انت مے درستانی دیم پدر انت پہ وشحال ءِ باندات ءِ ہاتر ءَ ضروری انت کہ مروچی زالبول وتی آزادی ہاتر ءَ نظریاتی علم ءَ اُو طبقاتی جدوجہد ءَ گوں ہمگرنچ بہ بیت اُو وتی گار بوتگیں جاہ ءَ دوبر حاصل کنگ ءِ ہاتر ءَ سوشلسٹ انقلاب ءِ تیاری گوں ہمگرنچ بہ بیت کہ آئی برصغیر درستیں زالبولانی آزادی ءِ زریعہ جوڈ بوتگ۔
تپاکی ءِ جہد دا گُڈی سوب ءَ
