ای نے ہُراٹ گْوادر
اِی نے خناٹ گْوادر
محمد جان درویشؔ
اسّس نی دڑد ٸسے ٹی
کوکار نی کریسہ
وکّارہ نی کریسہ
ہوغاسہ زار زار آ
ماتم ٹی اسّسہ نی
نا سینہ چیر چیر اس
چاغی نا سینہ غان با
ظالم نا ظلم اسک
چرّارہ نا چُھناتا
پیشن نا او بروکاک
پاریرہ خْواجہ تینے
تینے کریسُہ سرمہ
کس پائِہ خْواجہ اُر او
نا او چُھنا چُھنا غان
دا سوج ئے او کریرہ
نم دیر اُرے کہ پابو؟
نم دیر اُرے کہ پابو؟
ہیران ای ابکّہ
ہیت آن ہِناٹ گْوادر
اِی نے خناٹ گْوادر تینتو کریٹ غاوس
تینے کریٹ ملامت
ای زندہ اُٹ کہ دیچا
یا کھسکنُٹ، کہنگ اُٹ
زندہ اریٹ گر اِی
تو انت ٸسے نا زند اے؟
بش مس سوال مڈول ئٹ
نئے کہ اسِٹ اِرٹ اس
سُن مس کنا دا کاٹم
تینتو کریٹ ماتم
پِٹّاٹ زند ئے تینا
دیچا اراڑے گوئاٹ؟
الّاٹ جند ئے تینا
دڑد ئس سہاٹ گْوادر
ای نے خناٹ گْوادر اسّس نی ویل ٸسے ٹی
کس پائِہ جیل ٸسے ٹی
دا تو غلام آ زند اے
نن چانہ نن غلام اُن
تینا وطن ٹی انتئے؟
دا وڑ ننا دا حال اے
آہ ئس کریٹ توسُٹ
تینتو کریٹ سوچس
تمّا بدن ٹی لڑزہ
کھسکُٹ ای سات ٸسے کِن
نئے ہوش ئہ خْیال کنتو
نئے سُدّ ئہ سار ٸٹی ای
ظالم نا ظلم اسک
نے او کریس بندی
زندان ٸسے ٹی اُسّس
دا ڈیھ نا ہر چُھنانا
وڑ نی تفوک اسّس
نے نا چھنا چھناغان
بار او کریس بندی
نا اسُّہ خنک پالُن
نا ہِست ئے تینا خن تا
گْوادر! کریٹ توسُٹ
اُست آ تِخاٹ گْوادر
ای نے خناٹ گوادر
