کُھٹّوئے ازدیس دا نن تہاری
محمد جان درویشؔ
کُھٹّوئے ازدیس دا نن تہاری
نی ہم ہُرس یار نن انتظاری
شینزاک ٹِکّور، پھلاک تفورک
داڑے مروف تان ننے آ نہاری
دڑدی او خڷ ئس ہلیکک ہموتم
یادا بریک داسکا نا اواری
چِھکّیوہ پُژاتہ چیہانٹ کیوہ
نا یاد ئٹی کیوہ ای آہ و زاری
سگوس دڑداتہ طاقت ارے نے ؟
گْوا نی ہنک یار کر سرمچاری
داسکان نشہ نی بے سُدھ اریسک
داسکان نشہ نا خنک ءُ خماری
ڈھکّیپہ ہیت ئے نی کر پھاش داسا
خن تانے زاہر ارے بے قراری
خرما ئے واڑ ئٹ نی بزگل تو کیسہ
منّان داڑے نا زورے ہشاری
اومیت نمے آ ، دا ایمان ئے زندہ
دے ئس ہتو رنگ نما پند ؤ خْواری
رکھیس مولا ہمو جوزہ غاتہ
مسّر ہرا ڈیہہ ئنا دا چِکاری
بشخین دڑداتہ درویشؔ اوڑتو
تولن دم ئس اوڑتو کینک کچاری
