گُڑا رُوپ ئے ننا خنوس دلبر
گڑا ہنتس کہ مس بِنوس دلبر۔
ناصر عفانؔ
شار ئنا رونق آتِہ انت مَسّک ؟
ننا شار آن بارو انت اسک؟
انتئے چُکّاک ڈیہہ ئے الّنگُہ؟
انتئے مہر آک کم مننگُہ ؟
انتئے دڑد آک پین ودّنگُہ؟
انتئے اُستاک بتِّہ پِننگُہ؟
انتئے رنگ آک مُست ئنا افس ؟
انتئے مہر آک مُست ئنا افس ؟
انت ئکہ ایلُمیک ہِنار چُھٹار ؟
انت ئکہ سنگتیک ہِنار چھٹار ؟
انت ئکہ روشنیک کُھٹّنگُہ ؟
انت ئکہ تارمہ ئیک ودھنگُہ ؟
انت ئکہ تین تو کُل لگاّنُہ ؟
انت ئکہ ایلُمیک پِنّانُہ ؟
انت ئکہ مِہر ئنا ہِنار گپّاک ؟
انتئے ودّھار پین ننا ٹھپّاک ؟
انتئے مخّنگ آک کُل چُھٹّانُہ ؟
انتئے دڑد آک پین ودّانُہ ؟
انتئے ورناک تینے گُڈنگُہ ؟
انتئے خلکاک دا ہشنگنگُہ ؟
انتئے پا ایڑ تِہ ہوغفِنگُہ دا ؟
انتئے ایلم تِہ پِنّفنگُہ دا ؟
انتئے ارمان تِہ زْیات کنّنگُہ ؟
انتئے آسودہی تِہ دنّنگُہ ؟
انتئے دا زِند خاخراتیٹی ؟
انتئے تمّان آزاراتیٹی ؟
انتئے پھل آتا اف ہمے خوشبو ؟
انتئے گند ئے دِتر نا دُن چارسُو ؟
انتئے بِلسم نا رنگ ہمے افک ؟
انت ئکہ پِھر ننے آ گْوا کپک ؟
انت ئکہ گْواڑخاک ہوغِنگُہ ؟
انت ئکہ بلبل آک ہوغِنگُہ ؟
انتئے پھلاک ٹِک ئے اِلّانُہ ؟
دا چُھناک انتئے ہوغِفِنگانُہ ؟
انتئے یکّو خبر کہنگ نا ئے ؟
انتئے کس ئے گُڑا خلنگ نا ئے ؟
انت ئکہ نن رُگو کہین ناصرؔ ؟
انت ئکہ دڑد نن سہین ناصرؔ ؟
انتئے اڑزان دُن دِتر مسّک ؟
انتئے ٹکّر ننا جغر مسّک ؟
انتئے یکّو ننا چمن بارِہ ؟
انت ئکہ شار ئنا امن بارِہ ؟
انتئے مظلوم زِند ئے مُچ ہوغِہ ؟
انتئے ظالم نا ظالمی ودہہ ؟
دِتر آن زْیات ننے او انت تِسک ؟
ننا شار آن بارو انت اسّک ؟
شار ئنا رونق آتِہ انت مسّک ؟
اگہ ظالم نا ناروائی مس
اگہ مظلوم تو بے وفائی مس
اگہ مجبور تو آزری مسّک
اگہ لاچار تو بے رخی مسّک
اگہ یکّو کفن تہ خلّانَک
اگہ تینا امن کہ پِٹّانَک
اگہ ہوغا اسہ چھناس تینا
اگہ تما کس ئس مُخ آن پِنّا
اگہ چُکاک ننا تھڑنگارک
اگہ دا ولّر آک خلنگارک
اگہ تینے ہنار خدا پاریر
اگہ تینکہ جتا صفات پاریر
اگہ کردار ئسے آ ہیت بسک
اگہ دیوار ئسے آ ہیت بسک
اگہ پُھلا تِہ روتہ غان کِشکر
اگہ خاخر مریر او اِشکر
اگہ فصل آتہ کس لغت تِسّک
اگہ دا گل زمین آ ہیت بسک
گڑا رُوپ ئے ننا خنوس دلبر
گڑا ہنتس کہ مس بنوس دلبر
انت ئکہ مہر ئنا فکر کھسکک ؟
ننا شار آن بارو انت اسک؟
