نی زیباغا وطن نا ہیت ئے کپیسہ
نیک جان بلوچ
نی زیباغا وطن نا ہیت ئے کپیسہ
دا پُھلی آ چمن نا ہیت ئے کپیسہ
وطن ٹی خاخر ئے مچّا نے پروا اف
اسہ دے ہم امن نا ہیت ئے کپّیسہ
اَرا وڑ کیو سڑدار اِی نے آ باور؟
نی دے ئس تینا خن نا ہیت ئے کپیسہ
ہرا زندہ تخا فکر، ئس دتر تسک
ہمو نی انجمن نا ہیت ئے کپیسہ
تخانس کاٹم آ دشمن نا تاج ئے نی
وطن نا گل بدن نا ہیت ئے کپیسہ
نا ماس آ لاش ئسے تمّوک، انتئے مہرؔ؟
نی بےگور و کفن نا ہیت ئے کپیسہ