استیں اھد ءُ نودربرانی راجکاری

نبشتہ کار: ظفر رند

میاں استمانی راجدپترءَ ہر ہما قوم ءَ کہ ظلم ءُ ناانصافی ءِ ہلاپ ءَ توار چیست نَکوتگ آ مروچی گارءُ بیگواہ انت یا زور آوریں راجانی ظُلم ءُ زوراکیانی دیمپان انت۔


راجدپتر ءِ تہا ہیچ چُشیں راجءِ نیست کہ بنداتی دور ءَ آسودگ بوتگ۔ اُو آہانی سرا ظلم ءُ زوراکی نہ بوتگ، بلکیں دُرستیں راجاں پہ وتی آسودگیں زند ءِ گوازینگ ءِ ہاتر ءَ زوراکیانی ہلاپ ءَ توار چست کُتگ اُو پہ آسودگی زندے گوازینگ ءِ ہاتر ءَ جدوجہد کُتگ۔


بلوچ ہم ای دنیا ءَ گوں ہمگرنچیں راج ءِ۔ انچوش کہ دنیا ءِ ای دگہ راج ظلم ءُ زوراکیانی دیمپان بوتگ انت بلوچ ہم مروچیگیں اہد ءَ زوراکیانی دیمپان انت۔ مروچی ءَ چہ کساس سد سال ءَ پیسر سیاسی دروشم ءَ بلوچ راج پہ وتی آسودگی ئے ہاتر ءَ جدوجہد کنگ ءَ انت بلے انگت تک سوبمند نہ بوتگ۔ یا چوش کہ بلوچ ءِِلوٹ ءُُواھگ انتت آ پیلو نہ بوتگ۔
ای دورانیہ بلوچ ورناہ ءُ پیر ءُ کماشاں مزنیں تجربہ کُتگ بے کساس مردم شہید کنگ بوتگ انت، اُو نوجوان داں مروچی گار بیگواہ کنگ ءَ بوئگ انت۔ بلے بلوچ راج ءَ وتی گوست ءِ کُتگیں تجربہ چہ اچ در نہ بُرتگ روچ ءِ مروچی ہم ہما راہ ءِ مساپر انت۔


بلوچ راج ءِ مستریں بد قسمتی ہمیش انت کہ آ وتی گوست ءَ تنقید (نگد ) ءِ نگاہ ءَ نہ چاریت۔ تنقید یک بدیں نگاہی ءَ زورگ بیت، ہر ہما ورنا یا زانتکار کہ وتی گوست ئے سر ءَ تنقید ءِ چمشانک ءِ دنت گُڑا آ دنیا ءِ مستریں بدی ءُ ہرابیں مردم ءِ نگاہ ءَ چارگ بیت۔ ہمءِ ہاتر ءَ ای تسلسل اُوشت ءِ آماچ بیت کس سوال نکنت۔

مروچی ورنا ہزارانی کساس وانگ جاہ ءَ ما علم در برگ ءَ انت بلے آ چہ سیاسی عمل ءَ دور انت۔ آ ہم سیاست ءَ بدیں نگاہ ءَ چارانت اُو وتا دور دارانت۔ ایشی سبب چی بوت کن انت ای سیاسی سپر ءَ یک تنقید ءِ نگاہ ءَ چارگ بہ بیت گُڈا بازیں پسو مارا دست کپ انت۔ بلے دنیا ءِ راجدپتر ءَ ہیچ چُشیں راج نیست کہ آہاں وتی سیاسی سپر ءِ تہا کوتائ نَہ کوتگ۔ تہنا ای بلوچ نہ انت بلے آہاں پہ وتی راج ءِ آسودگی ہاتر ءَ نشتگ ءُ راہ گیشینتگ ءُ وتی کُتگیں ردی آں چہ سبق زورتگ۔ بلے مے ورنا ابید چہ بہتریں راہ گیشینگ ءَ وتا را چہ سیاست ءَ دور دار انت اُو وت ءَ غیر سیاسی گُشنت۔

مزن نامیں زانتکار تھیڈور ایڈورنو جاہ ءِ گُشیت؛ ہیچ چیز غیر سیاسی نہ انت، درست سیاسی انت۔ اگاں یکی ای ہبر ءَ کنت کہ من غیر سیاسی آں گُڑا آ رد انت۔ ای ہبرءِ جند ہم سیاسی ءِ کہ تو وتارا ءَ غیر سیاسی گُشے۔

یک سیاسی چاگرد ءِ تہا نندوک ءِ مردم چون غیر سیاسی بوت کنت اُو چون ابید جدوجہد ءَ بلوچ راج یک آسودگیں زنفءِ گوازینگ ءَ سوبمند بیت؟ مروچی ورنا اگاں وتا چہ سیاسی سپر ءَ دور دار ایت اُو وتی جیڑہانی سرءَ سوال کنگ بندات نہ کنت، گُڑا من سرپد باں کہ ای ورنا ہم وتی گوست ءِ کُتگیں کوتائی ءَ چہ مستریں کوتائی ءِ کنگءَ انت اُو مے آؤکیں پد ریچ ہم ہمے سوالانی پَسّو ءَ لُوٹیت۔

مزن نامیں زانتکار گرامشی جاہ ءِ گُشیت؛ اگاں بزگیں راج ئے کلچر ءِ تہا مزاہمت مان مہ بیت آ کلچر پہ آ راج ءَ یک زہر ءِ چہ کمتر نہ انت۔

مروچی نودربر اگاں وتی راجی جیڑہانی سرءَ توار چیست مکن انت اُو وتی زمہ واری آں سرپد مہ بنت گُڑا مے آؤکیں پدریچ مارا چہ ہمے جستانی پَسو لوٹیت اُو مارا بدیں لبزاں گوں یاد کنت۔

Leave a Reply

Your email address will not be published.