مُرغنا کوچہ ، مش تا پند ائے بر
وہید انجم
مُرغنا کوچہ ، مش تا پند ائے بر
سدخہ مئوکاتا داڑے ہند ائے بر
ایلو رنداک یام ئٹی چُھٹّور
خیسنا ہف بروکا رند ئے بر
دا ننا زہری، منگچر ، راغے
دا ننا ساہ و جان مند ائے بر
جوزہ پرغانے بند بند ئے تَہ
اونا دا آخریکو بند ائے بر
پیشن اُس چاوہ زات ئنا سیم آن
داسا ادّا ئے تینا گْوند ئے بر
بر نی پٹّیک نے تراتانی
نا زہیر آن بھاز ژند ائے بر
ولدا راج ئے اسٹ کرک سنگت
ایتِہ ولدا نشان خْوند ئے بر
دودکی آ برک شہیداتا
خن زرس بھادراتا سند ئے بر
فکر ئنا جھمّرئس شلا انجمؔ
ڈیہہ ئٹی مُچ ہتم نا گند ائے بر
اینو آشوبی تا براماک اُر
لیلڈے لاڈے لاڈے شند ئے بر
