براہوٸی بولی نا ویل آک

نوشتہ : ریاز آلم بلوچ

اسہ راج ئس ہمو وخت ئسکا ترکی کپک تانکہ او راج نا دوی مون آ ہِنتنے بد بختی ئے کہ براہوئی دُوی ہمو دُوی ئے ہرا نا زیہا کاریم وے مننگ نا برابر ائے اینو جہان نا غُٹ زبان تِہ ہُرس او تینا alphabet آ تیٹ تینا کتاب آتِہ ،نوشتہ آتِہ نوشتہ کیرہ
ولے براہوئی دائسکا ایلو زبان نا alphabet آتیٹ نوشتہ مننگ ئے براہوی ٹی دہنو alphabet ئس اف ہرا کہ اردو ، اربی(عربی) آن بار تینا مانہ ئے بدل کے اردو نا “صدا” و “سدا” نِلا اسے alphabet سینا وجہ آن مانی ئے تینا مَٹائرہ (“سدا” ساندہ کن و “صدا” توار کن مریک) ولے براہوئی دا وڑ اف
اگہ “ع” نا جاگہ “الف” او
” ث،ص ” جاگہ آ “س
” ق ” نا جاگہ آ “ک” ئنا توار آن مانی بدل مفک گُڑا نن انتئے اربی نا زیاتی آ alphabet آتِہ براہوئی ٹی ہتینہ؟۔ بھازاک سوچرہ کہ براہوئی ئٹ اربی نا alphabet آک زروری ءُ کہ نن مسلمان اُن کُران خوانِنگ ننکن مشکل مف تو ارز دادے اینو پشتون آک “ف”_ ئنا جہا “پ” ئنا توار کشیرہ لیکن کُران جْوان وڑٹ خْوانرہ دنیا نا ایلو پارہ غاتا ہم مسلمان ارے او تینا زبان نا الفابیٹ آتِہ کاریم ٹی ہتیرہ وا ہم اوفتیٹ کُران نا کاری ئُہ ھافز ارے ۔بنگالی زبان نا رسم الخت(رسم الخط) اربی آن باز جتا اے لیکن او اربی نا رسم الخت ہَفتنے تینا بنگالی زبان نا رسم الخت ارے ۔

دا وخت آ بلوچی زبان ہم بھاز مونی ہِننگ ٹی ائے او تینا نوشتہ آ تیٹ، کتاب آ تیٹ بلوچی دُوی نا ” آب ” تے کاریم ٹی ہتیرہ سندھی زبان ہم ننا مون آٹے ولے براہوئی زبان شائست اسٹ ئنگا زبان ائے ہرا نا کتاب ئس ہفس نوشتہ ئس خْوان ئس اونا تینا ” ا ،ب افس غُٹ اربی ءُ یا اردو زبان نا “ا، ب” ءُ

دافتا زیہا دیر اخس کاریم کننگ ٹی ائے امر کننگ ٹی ائے ای تینٹ بھاز جاچ کتنُٹ شائست زبان نا غم ئے کنوکو گڑاس بندغ دا نا زیہا فکر مند مرور او تینا کچ کاریم نا کوشست کرور واہم او کچ ئٹ ءُ کم ءُ اوفتا کاریم نزر بفک مولا اوفتا کاریم تیٹ برکت شاغِہ دا کریم تینا مزل آ سر مرے ۔

براہوئی زبان نا اسہ پین بھاز بھلو ویل ئسے کہ سوراب آن بُڑز نا مخلوک و سوراب آن شیف جہلاوان نا مخلوک اسہ لَوز ئے اِرا توار ئٹ پارہ دہنکہ سراوان نا براہوئی ٹی پارہ “ہرانگ “
جہلاوان نا پائِک “ارانگ”

سراوان نا بندغ ” الف” نا جہا “ہ” و
” ہ ” نا جہا ” الف ” پائک دہن کہ
” ارانگ ” نا جاگہ “ہرانگ”
“اراڑیک اُس ” نا جاگہ “ہراڑیک اُس”

الف نا۔ردیک ہراڑ کن رد ئٹ “ہ” کاریم ٹی ہتیرہ
ہرمان❎ (ارمان)✅
ہٙلوْ (الوْ)
ہِلہ (اِلہ)

” ہ ” نا ردیک ہراڑ کن رد ئٹ ” ا ” ئے کاریم ٹی ہتیرہ
اُر ❎ (ہُر) ✅
اُلی (ہُلی)
اٙوُ . (ہئو)
پین زیات ردیک اریر

اینو آن بھاز ماہلٙوْ بابائے براہوئی نور مہمد پروانہ براہوئی ” ا ، ب ” ترتیب تِس ولے اوڑان پد کس دافتیا سوچ پک ۔

براہوئی ” ا ،بیک ” داد ءُ:

ا ب پ ت ٹ ج چ خ د ڈ ر ڑ ز ژ س ش غ ف ک گ ل ڷ م ن و ہ ء ی

دافتیٹ ایلو زبان تا” ا ،بیک ” داد ءُ

ث ح ذ ص ض ط ظ ع ق
بائد ائے دافتِہ نن تینا نوشتہ آ تیٹ کاریم ٹی ہتپن

دافتا ہمتوار انگاک دا وڑٹ ءُ:

ث ۔۔۔۔۔۔۔۔۔۔۔۔۔۔ س
ثواب =سواب، ثاقب=ساکب
ح ۔۔۔۔۔۔۔۔۔۔۔۔۔۔۔۔۔۔۔ ہ
حلیم= ہلیم ، احمد = اہمد
ذ ۔۔۔۔۔۔۔۔۔۔۔۔۔۔۔۔۔ ز
ذکر = زکر ، ذات= زات
ص ۔۔۔۔۔۔۔۔۔۔۔۔۔ س
صبر= سبر ، عبدالصمد= ابدالسمد
ض ۔۔۔۔۔۔۔۔۔۔۔۔۔۔ ز
ضرور= زرور ، ضد= زِد
ط ۔۔۔۔۔۔۔۔۔۔۔۔۔۔ ت
طاھر = تاھر ،طارق= تارِک
ظ ۔۔۔۔۔۔۔۔۔۔۔۔۔۔۔۔ ز
ظالم =زالم ، ظہور=زھور،زہور
ع ۔۔۔۔۔۔۔۔۔۔ ا
عارف= آرِف ، عاصم=آسِم
ق ۔۔۔۔۔۔۔۔۔۔۔۔ ک
قبلہ= کِبلہ ،قلات =کلات

امیت ئے ننا ادیب آک ، شائرک ایلو نوشتہ کروک آک براہوئی نا تینا جِند نا “ا ، ب” تِہ کاریم ٹی ہتسّہ براہوئی زبان ئے مون آ درور او ہنت ردی داکان مُست مسس یا مننگ ئٹی ائے دا ردی تِہ مونی کروفس ۔