تارمئی آ شلیک روشنائی
محمد جان درویشؔ
تارمئی آ شلیک روشنائی
پین اخّہ مریک روشنائی
فکر ئسے نا تجلی ئے بشخیک
کِٹ تہار ئے کُنیک روشنائی
ہر گِروشک آن پھاش کردار ائے
وڑ صبا نا زِریک روشنائی
اوڑکہ گوری فدائی آ پُھلاک
پُھل گِچینو چھٹیک روشنائی
انت نور ئس ارے نے تو نی پا؟
نے آ پِرّک کہیک روشنائی
آجوئی نا شہیداتا رنگ آن
خیسُنو رنگ ہلیک روشنائی
ویدن ئے اُست ئنا چائِہ کسّس
اخّہ است ئے وڑیک روشنائی
تان درویشؔ تہاری سلوفک
تِخ امید ئس بریک روشنائی
